Government Junior College, Madhira, First principal and First Lecturer

బాల్యపు బంగారు స్మృతులను నెమరేసుకుంటూ ‘విద్యా ప్రదాత(ల)’కు వినమ్రంగా ప్రణమిల్లుతుండటం, యాభయ్యేళ్ల వసంతోత్సవాన్ని ఉవ్వెత్తున ఎగసిన సంతోషకెరటాలతో అభిషేకించబోతుండటం ఓ చారిత్రాత్మక ఘట్టం. ఇది మధిర కాలేజీ విద్యార్థుల జీవితాల్లో మధురమైన ఉత్సవమై చిరస్థాయిగా నిలిచిపోవడం ఖాయం. అంతటి అ’పూర్వ’ ఆనందోత్సవంలో మేమూ భాగస్వాములవుతుండటం మా అదృష్టం.

మీ ‘సిల్వర్ జూబ్లీ’ జట్ల
అ’పూర్వకలయిక’తో జరుపుతోన్న ఈ
‘గోల్డెన్ జూబ్లీ’ వేడుక కాలేజీ చరిత్రలో మొట్ట మొదటిది మాత్రమే కాదు, ఓరకంగా చిట్ట చివరిది కూడా. ఎందుకంటే పక్కనే నిర్మాణంలో ఉన్న కాలేజీ బిల్డింగ్ పూర్తయితే, మీ కాలపు క్లాసు రూములన్నీ కాలగర్భంలో కలిసిపోతాయి. ఆ కాలపు తీపి గుర్తులేవీ మిగలవు. కాలేజీ స్థానే ‘ఇంటిగ్రేటెడ్ స్కూల్స్ కాంప్లెక్స్’ వస్తోంది. ఇప్పటికైనా మీరంతా ఒక్కటై వేడుక చేసుకుంటున్నందుకు మీకు నా హృదయపూర్వక అభినందనలు.
ఈ కాలేజీకి మనసున్న మధిర ప్రముఖులైన మీరంతా అ’పూర్వ’ విద్యార్ధులే కాబట్టి మీ అందరి అవ్యాజమైన అనుబంధానురాగాల అండతో, అన్ని సౌకర్యాలతో అత్యుత్తమ విద్యనందిస్తూ అజరామరంగా వర్ధిల్లాలని ఆశిస్తూ.. మీ
-ప్రిన్సిపాల్
బట్టేపాటి జైదాస్.